តាមទម្រង់លេងបច្ចុប្បន្ន Mohamed Salah គឺជាកីឡាករល្អបំផុតក្នុងពិភពលោកនាពេលបច្ចុប្បន្ន ហើយមិនមែនក្លឹបណាមួយអាចអូសទាញ់រូបគេបានឡើយ ក្រៅពី Liverpool។
ពិតណាស់ Salah នៅសល់ ១៨ ខែទៀតលើកិច្ចសន្យារបស់គាត់នៅ Anfield ហើយនៅមិនទាន់បានចុះកុងត្រាថ្មីនៅឡើយទេ ប៉ុន្តែលោក Jurgen Klopp មិនព្រួយបារម្ភថា គាត់នឹងបាត់បង់តារាឆ្នើមរបស់គាត់នោះទេ។
លោក Klopp បាននិយាយនៅក្នុងបទសម្ភាសន៍ជាមួយ Sky Sports ថា៖ «ពួកយើងពិតជាមានការសន្ទនាដ៏ល្អ។ ខ្ញុំចង់ឱ្យវាកើតឡើងពេលណាក៏បាន ខ្ញុំមិនខ្វល់ទេ»។
គួរជម្រាបថា Salah គឺជាអ្នកស៊ុតបញ្ចូលទីច្រើនជាងគេនៅ Premier League ដោយស៊ុតបញ្ចូលទីបាន ១៥ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីបាន ៩ ដងក្នុង១៧ ប្រកួតប៉ុណ្ណោះ ហើយគេធ្លាប់បាននិយាយថាគាត់ចង់បន្តនៅ Liverpool ជារៀងរហូត ប៉ុន្តែវាអាស្រ័យលើក្លឹបថាចង់បានរូបគេឬយ៉ាងណា៕
