ទោះបីជាមានភាពច្របូកច្របល់ជុំវិញការចាប់ឆ្នោត Champions League កាលពីថ្ងៃច័ន្ទក៏ដោយ ក៏លោក Pep Guardiola មិនមានភាពសៅហ្មងចំពោះព្រឹត្តិការណ៍នោះឡើយ។
គ្រូបង្វឹកក្រុម Manchester City បាននិយាយនៅក្នុងសន្និសីទសារព័ត៌មានមួយមុនការប្រកួត Premier League របស់ក្រុមរបស់គាត់ជាមួយនឹងក្រុម Leeds United នៅយប់ថ្ងៃអង្គារ នៅពេលដែលគាត់ត្រូវបានសួរអំពីបញ្ហារដែលបានកើតឡើងក្នុងការចាប់ឆ្នោតវគ្គ ១៦ក្រុមចុងក្រោយ ដែលក្រុមមេឃខៀវ ដំបូងឡើយត្រូវប្រកួតជាមួយ Villarreal ប៉ុន្តែបានទុកជាមោឃៈ ហើយជំនួសមកវិញដោយត្រូវប៉ះជាមួយ Sporting Libson។
លោក Guardiola បាននិយាយថា៖ «វាត្រូវបានធ្វើការចាប់ឆ្នោតឡើងម្តងទៀត។ ខ្ញុំគិតថាវាយុត្តិធម៌។ វាជាកំហុស ហើយរឿងបែបនេះពេលខ្លះតែងតែកើតឡើង។ អ្នកត្រូវតែធ្វើវាម្តងទៀត ដើម្បីកុំឱ្យមានការសង្ស័យ។ នៅខែកុម្ភៈ ពួកយើងនឹងធ្វើបានល្អ»។
ប៉ុន្តែអ្នកចាត់ការសញ្ជាតិអេស្បាញ ហាក់បីដូចជាមិនសប្បាយចិត្តចំពោះការប្រកួតជាមួយ Villarreal ដែលត្រូវបានលុបចោល ដោយជំនួសមកវិញដោយក្រុម Sporting Libson នោះទេ៕
