ខ្សែប្រយុទ្ធ Sergio Aguero នៃក្លិប Barcelona នឹងប្រកាសព្យួរស្បែកជើងពីពិភពបាល់ទាត់ជាផ្លូវការនៅ ថ្ងៃពុធទី១៥ស្អែកនេះហើយ នេះបើយោងតាម DailyMail។
Aguero បានរងអាការៈពិបាកដកដង្ហើមក្នុងការប្រកួតទល់នឹង Alaves កាលពីខែតុលាកន្លងទៅ ហើយពេលពិនិត្យរួច គ្រូពេទ្យបានប្រាប់ថាចង្វាក់បេះដូងរបស់គេលោតខុសប្រក្រតី ដែលតម្រូវឲ្យសម្រាកតាមដានស្ថានភាពបន្ត។
យ៉ាងណាមិញ Aguero ទំនងជាមិនអាចបន្តអាជីពជាកីឡាករបាល់ទាត់បានទេដោយអ្នកកាសែត Emilio Perez de Rozas បានបង្ហើបប្រាប់វិទ្យុ Marca ថា៖ «នៅថ្ងៃពុធគឺនឹងមានពិធីមួយដែលគេ (Sergio Aguero) នឹងប្រកាសថាគេចូលនិវត្តន៍ពីបាល់ទាត់»។
អ្នកកាសែត Emilio Perez de Rozas គួរបញ្ជាក់ផងដែរថា Sergio Aguero ជាវីរបុរសមួយរូបរបស់ក្លិប Manchester City ដោយស៊ុតបញ្ចូលទីបានដល់ទៅ ២៦០គ្រាប់ក្នុងការបង្ហាញខ្លួន ៣៩០ប្រកួតឲ្យក្លិបមុននឹងផ្លាស់មក Barcelona នៅ ខែមិថុនាឆ្នាំ២០២១៕
