ភ្នំពេញ៖ កាលពីម៉ោងប្រមាណ ៥ព្រឹកថ្ងៃទី១៤ ខែធ្នូ ឆ្នាំ២០២១នេះ មានករណីគ្រោះថ្នាក់ចរាចរណ៍មួយបានកើតឡើងនៅចំនុចសង្កាត់ទន្លេបាសាក់ ខណ្ឌចម្ការមន រាជធានីភ្នំពេញ ដោយរថយន្តមួយគ្រឿងបានបើកបុកបង្គោលភ្លើងបណ្តាលអោយបាក់ និងរថយន្តរងការខូចខាត។
បើតាមប្រភពពីសមត្ថកិច្ចបានអោយដឹងថារថយន្តបង្កហេតុម៉ាកឡិចស៊ីស ពណ៌ខ្មៅ ពាក់ស្លាកលេខភ្នំពេញ 2AY-3534 ។ ក្រោយកើតហេតុសមត្ថកិច្ចចុះទៅដល់ទីតាំង នឹងធ្វើការវាស់វែង ហើយបានយករថយន្តបង្កមកកាន់អធិការដ្ឋាននគរបាលខណ្ឌចម្ការមន ដើម្បីរង់ចាំឲ្យម្ចាស់រថយន្ត ចូលខ្លួនដោះស្រាយតាមនីតិវិធីផ្លូវច្បាប់៕
