បន្ទាប់ពីបានទៅដល់ប្រទេសអ៊ីតាលីដើម្បីមើល Pedri បង្ហាញពានរង្វាន់ Golden Boy ប្រធានក្លឹប Barcelona លោក Joan Laporta ត្រូវបានគេដឹងថា បានឆ្លៀតយកឱកាសដើម្បីជួបជាមួយលោក Mino Raiola។
លោក Raiola គឺជាអ្នកតំណាងរបស់កីឡាករជាច្រើន ប៉ុន្តែជាពិសេសគឺ Erling Haaland ដែល Laporta ជាអ្នកកោតសរសើរយ៉ាងខ្លាំង។
យោងតាមអ្នកសារព័ត៌មានអ៊ីតាលី Fabrizio Romano បានឲ្យដឹងថាលោក Laporta បានចេញពីអាកាសយានដ្ឋាន ជំនួសឱ្យការទៅសណ្ឋាគាររបស់គាត់ជាមុនសិន រួមជាមួយនឹង Mateu Alemany ដើម្បីជួប Raiola ខណៈដែលពួកគេបានឆ្លៀតឱកាស ដើម្បីយល់ច្បាស់ពីស្ថានភាពផ្ទេររបស់ Haaland ។
ថ្មីៗនេះ Raiola បាននិយាយថា Haaland នឹងចូលរួមជាមួយក្លឹបមួយក្នុងចំណោមក្លឹបចំនួន ៤ ដូចជា Bayern Munich, Real Madrid, Barcelona ឬ Manchester City ខណៈដែល Laporta ក៏បានជួបជាមួយ Raiola ក្រោយប៉ុន្មានថ្ងៃបន្ទាប់ ដើម្បីពិភាក្សាអំពីអនាគតរបស់កីឡាករសញ្ជាតិន័រវេសរូបនេះ៕
