លោក Gary Neville ជឿជាក់ថា ទេពកោសល្យរបស់ Diogo Dalot និង Alex Telles នឹងត្រូវបាន «លាតត្រដាង» នៅក្នុងប្រព័ន្ធដឹកនាំថ្មីរបស់ Manchester United ក្រោមវត្តមានរបស់លោក Ralf Rangnick។
ពិតណាស់ បិសាចក្រហម បានយកឈ្នះលើក្រុម Norwich City កាលពីថ្ងៃសៅរ៍ ខណៈដែលការស៊ុតបាល់ប៉េណាល់ទីក្នុងតង់ទីពីររបស់ Cristiano Ronaldo ដោយទទួលបានជ័យជម្នះ ១-០ ។
យ៉ាងណាមិញ លោក Neville ជឿជាក់ថាខ្សែការពារឆ្វេងស្ដាំទាំងពីររបស់ពួកគេ នឹងប្រឈមមុខនឹងការងារកាន់តែច្រើន នៅពេលដែលពួកគេលេងជាមួយក្រុមកំពូលនៅក្នុង Premier League ។
លោក Neville បាននិយាយថា៖ «ខ្ញុំគិតថានៅពេលនោះ ពួកគេនឹងផ្លាស់ប្តូរអ្វីៗបន្តិចបន្តួច គាត់នឹងត្រូវស្គាល់កីឡាករ។ ខ្ញុំគិតថាវាជាការចាប់ផ្តើមដ៏ល្អ ពីការពិតដែលពួកគេបានឈ្នះទាំងពីរប្រកួត ពួកគេត្រូវការដើម្បីឈ្នះការប្រកួត និងកសាងទំនុកចិត្តលើគ្រូបង្វឹកថ្មី»៕
