ក្រុម Manchester United បានឈានទៅវគ្គ ១៦ក្រុមចុងក្រោយនៃក្របខ័ណ្ឌ Champions League បន្ទាប់ពីយកឈ្នះលើក្រុម Villarreal ២-០ កាលពីពីរសប្តាហ៍មុន។ បិសាចក្រហមបានស៊ូទ្រាំនឹងពេលវេលាដ៏លំបាកក្នុងក្របខ័ណ្ឌ Premier League ក្នុងរយៈពេលប៉ុន្មានខែថ្មីៗនេះ ប៉ុន្តែបានគ្រប់គ្រងរក្សាស្ថិរភាពក្នុងក្របខ័ណ្ឌ Champions League ។
ពួកគេបានឈ្នះបី និងស្មើមួយក្នុងចំណោមការប្រកួតទាំងបួនចុងក្រោយរបស់ពួកគេក្នុងការប្រកួតទាំងអស់។ ទោះបីជាយ៉ាងណាក៏ដោយ ក្រុម Manchester United បានរងបរាជ័យយ៉ាងគួរឱ្យភ្ញាក់ផ្អើលក្នុងលទ្ធផល ២-១ ក្រោមថ្វីជើងក្រុម Young Boys ក្នុងការប្រកួតបើកឆាកក្នុងពូលនៃក្របខ័ណ្ឌ Champions League រដូវកាលនេះ។
ទោះបីជាយ៉ាងណាក៏ដោយលោក Michael Owen ជឿជាក់ថា Man Utd គឺមានកម្រិតខ្ពស់ជាងគូប្រជែងក្រុមស្វីស Young Boys ហើយនឹងដណ្តើមបានជ័យជម្នះ ២-១ ក្នុងការប្រកួតចុងក្រោយនៃក្របខ័ណ្ឌ Champions League របស់ពួកគេ៕
