ក្រុម Chelsea មានទម្រង់លេងយ៉ាងល្អក្នុងក្របខ័ណ្ឌ Champions League ដោយទទួលបានជ័យជម្នះ ៤លើកពីការប្រកួតចំនួន ៥។ ក្រុមតោខៀវបច្ចុប្បន្នកំពុងឈរនៅលើកំពូលនៃពូល H ដោយសារមានកំណត់ត្រាល្អជាងក្រុម Juventus ។
Chelsea មានតំបន់ការពាររឹងមាំនៅក្នុងការប្រកួត Champions League ឆ្នាំនេះ។ ក្រុមតោខៀវបានរបូតគ្រាប់បាល់តែមួយគ្រាប់ប៉ុណ្ណោះ ក្នុងការប្រកួតវគ្គចែកពូលរហូតមកដល់ពេលនេះ។
ទោះជាយ៉ាងណាក៏ដោយ អតីតខ្សែប្រយុទ្ធជម្រើសជាតិអង់គ្លេសលោក Michael Owen បានទស្សន៍ទាយថា Chelsea នឹងឈ្នះក្នុងលទ្ធផល ១-០ ជាមួយនឹងក្រុមរុស្ស៊ី Zenit Saint-Petersburg ក្នុងការប្រកួត UEFA Champions League ។
តាមរយៈ BetVictor លោក Michael Owen បាននិយាយថា៖ «នេះនឹងមិនមែនជាការធ្វើដំណើរសម្រាប់ការប្រកួតក្រៅដីដ៏ងាយស្រួលសម្រាប់ក្រុមតោខៀវទេ ប៉ុន្តែពួកគេមានទម្រង់លេងយ៉ាងល្អនៅក្នុងពានអឺរ៉ុបសម្រាប់រដូវកាលនេះ។ ខ្ញុំគិតថាក្រុមតោខៀវនឹងយកឈ្នះក្នុងលទ្ធផល ១-០ លើក្រុមរុស្ស៊ី Zenit Saint-Petersburg ក្នុងការប្រកួត UEFA Champions League»៕
