របាយការណ៍ជាច្រើនបានគូសបញ្ជាក់ពីបញ្ហារនៅក្នុងបន្ទប់ផ្លាស់សំលៀកបំពាក់របស់ PSG ហើយសម្រាប់កីឡាករ Lionel Messi ត្រូវបានរាយការណ៍ថា មិនសប្បាយចិត្តចំពោះយុទ្ធសាស្ត្របច្ចុប្បន្ន។ ជាក់ស្តែងតារាឆ្នើមរូបនេះមានអារម្មណ៍ថាអ្នកចាត់ការ Mauricio Pochettino មានភាពតឹងរ៉ឹងពេក ហើយមិនឱ្យកីឡាករលេងអស់សមត្ថភាព។ ដូចដែលបានរាយការណ៍ Messi ក៏មិនជឿលើសមត្ថភាពរបស់អ្នកចាត់ការបច្ចុប្បន្នរបស់គាត់ ក្នុងការដឹកនាំក្រុមឱ្យទទួលបានជោគជ័យក្នុងរដូវកាលនេះ។
PSG នៅតែឈរនៅលើកំពូលតារាង Ligue 1។ ប៉ុន្តែ Pochettino មិនអាចស្វែងរកចំណុចដ៏ត្រឹមត្រូវមួយសម្រាប់ក្រុមរបស់គាត់ ជាពិសេសជាមួយនឹងជួរមុខទាំងបីគឺ Lionel Messi, Neymar និង Kylian Mbappe ។ PSG បានឈ្នះតែពីរប្រកួតក្នុងចំណោម ៥ ប្រកួតរបស់ពួកគេនៅក្នុងក្របខ័ណ្ឌ Champions League នៅរដូវកាលនេះ ហើយទម្រង់លេងដ៏អាក្រក់របស់ពួកគេអាចបណ្តាលមកពីការមិនពេញចិត្តក្នុងបន្ទប់ផ្លាស់សម្លៀកបំពាក់។
ជាមួយនឹងក្រុមអ្នកមានបារាំង នឹងត្រូវប្រឈមមុខជាមួយក្លឹប Club Brugge ក្នុងការប្រកួតវគ្គចែកពូលចុងក្រោយរបស់ពួកគេនៅយប់នេះ Pochettino បានឆ្លើយតបទៅនឹងរបាយការណ៍អំពីការមិនសប្បាយចិត្តរបស់ Messi និងរបាយការណ៍អំពីការបែកបាក់សាមគ្គីនៅក្នុងបន្ទប់ស្លៀកពាក់។ អតីតអ្នកចាត់ការ Tottenham បានពិភាក្សាអំពីស្ថានភាពនៅក្លឹប ហើយបានកត់សម្គាល់ថាគាត់មានការគាំទ្រពីក្លឹបដោយនិយាយថា៖
«ខ្ញុំមានអារម្មណ៍ល្អ ខ្ញុំស្ងប់ស្ងាត់ ខ្ញុំកំពុងរៀបចំការងារ។ ខ្ញុំមានអារម្មណ៍ថាមានការគាំទ្រពីក្លឹប។ ខ្ញុំស្ងប់ស្ងាត់ ព្រោះខ្ញុំដឹងពីដំណើរការដែលយើងបានកំណត់»។
«យើងដឹងថានៅក្នុងក្លឹបដូចជា PSG ដែលមានតារាឆ្នើមៗច្រើន ពាក្យចចាមអារ៉ាមគឺជាផ្នែកមួយនៃជីវិតរបស់យើង។ នៅពាក់កណ្តាលព្យុះទាំងនេះ យើងនឹងមិនវង្វេងចេញពីគំនិតរបស់យើងឡើយ ព្រោះយើងដឹងថាបន្ទាប់ពីព្យុះ ព្រះអាទិត្យនឹងរះ ហើយបន្ទាប់មកយើងនឹងអាចធ្វើឲ្យអ្នកដែលស្រលាញ់ក្លឹបទទួលបានប្រយោជន៍ពីការងាររបស់យើង»៕
សូមទស្សនាវីដេអូខាងក្រោម៖
