Xavi បានសាទរចំពោះ Edinson Cavani ថាជា «កីឡាករដ៏អស្ចារ្យ» ហើយក៏មិនបានបដិសេធក្នុងការការផ្ទេរមកកាន់ Barcelona ជាមួយនឹងខ្សែប្រយុទ្ធ Manchester United រូបនេះឡើយ។
គួររំលឹកថា Cavani បានបង្ហាញខ្លួនត្រឹមតែ ៨ ដងប៉ុណ្ណោះសម្រាប់ក្រុម Man Utd ក្នុងរដូវកាលនេះ ហើយបច្ចុប្បន្នត្រូវបានអវត្តមានដោយសាររបួសសរសៃពួរ និងត្រូវសម្រាកព្យាបាលមួយរយៈ។
ហើយរបាយការណ៍ក្នុងសប្តាហ៍នេះ បានអះអាងថា កីឡាករអន្តរជាតិអ៊ុយរូហ្គាយវ័យ ៣៤ឆ្នាំរូបនេះ មានបំណងចង់ផ្លាស់ទៅ Barcelona នៅចុងបញ្ចប់នៃយុទ្ធនាការនេះ។
នៅក្នុងបទសម្ភាសន៍ Xavi បានយល់ឃើញថា «ចំពោះការផ្ទេរបស់ Cavani គឺរឿងដ៏អស្ចារ្យមួយ បច្ចុប្បន្នយើងកំពុងពង្រឹងក្រុមឡើងវិញ ដូច្នេះការចេញ និងចូលរបស់កីឡាករគឺជារឿងធម្មតា ប៉ុន្តែចំពោះ Cavani គេគឺជាកីឡាករដ៏អស្ចារ្យ»៕
