ខ្សែបម្រើ Paul Pogba របស់ Manchester United មានគម្រោងផ្លាស់ទៅ Real Madrid មួយរយៈមកហើយ ប៉ុន្តែមើលទៅវាហាក់ត្រូវបានដកចេញពីតុ ខណៈដែល Los Blancos បានផ្អាកលើការផ្លាស់ប្តូរនេះ។
គួរបញ្ជាក់ថា កីឡាករបារាំងវ័យ ២៨ ឆ្នាំរូបនេះ បានស្ថិតលើរ៉ាដារបស់ Real Madrid មួយរយៈមកហើយ ចាប់តាំងពីភាពលេចធ្លោរកាលនៅជាមួយ Juventus ហើយវាត្រូវបានគេគិតថា គាត់អាចជាជម្រើសដែលអាចសម្រេចបាន នាពេលអនាគតដ៏ខ្លី ខណៈដែលកិច្ចសន្យារបស់គាត់នឹងផុតកំណត់ជាមួយបិសាចក្រហម នៅថ្ងៃទី ៣០ ខែមិថុនា។
Pogba អាចពិភាក្សាអំពីការផ្លាស់ប្តូរទៅកាន់ក្លឹបមួយផ្សេងទៀតចាប់ពីថ្ងៃទី ១ ខែមករា ប៉ុន្តែ Real Madrid ហាក់បីដូចជាពួកគេកំពុងរារែកចិត្ត ចង់បានខ្សែប្រយុទ្ធ Mbappe ជាជាងខ្សែបម្រើបារាំងរូបនេះ។
ម្យ៉ាងវិញទៀត ដោយសារ Real Madrid មានខ្សែបម្រើកណ្តាលដ៏ល្បីៗជាច្រើនដូចជា Modric, Toni Kroos និង Casemiro ,Eduardo Camavinga, Fede Valverde និង Antonio Blanco ហើយវាមិនមានតម្រូវការបន្ទាន់សម្រាប់ Los Blancos ដើម្បីពង្រឹងនៅតំបន់កណ្តាលនោះទេ។
យ៉ាងណាមិញ Zinedine Zidane តែងតែបង្ហាញពីបំណងចង់ចុះហត្ថលេខាលើ Pogba ពី Manchester United កំឡុងពេលគាត់ធ្វើជាគ្រូបង្វឹកនៅ Real Madrid៕
