អតីតអ្នកចាត់ការ Newcastle United លោក Steve Bruce បានបង្ហាញពីឆន្ទៈរបស់គាត់ក្នុងការដឹកនាំក្រុម Manchester United លើមូលដ្ឋានបណ្តោះអាសន្ន នេះបើយោងតាម The Athletic ។
ថ្មីៗនេះលោក Steve Bruce ត្រូវបានបណ្តេញចេញពីតំណែងជាអ្នកចាត់ការ Newcastle United បន្ទាប់ពីការមកដល់នៃម្ចាស់ថ្មីពីអារ៉ាប៊ីសាអូឌីត។ អតីតខ្សែការពាររបស់ Manchester United ពេលនេះកំពុងអត់ការងារធ្វើ ហើយចង់ទៅដឹកនាំបិសាចក្រហមជាបណ្តោះអាសន្ន។ យោងតាមប្រភពខាងលើ Bruce ជឿជាក់ថាគាត់អាចរក្សាលំនឹងបន្ទប់ផ្លាស់សំលៀកបំពាក់មុនពេលតែងតាំងអ្នកគ្រប់គ្រងអចិន្ត្រៃយ៍។
គួររំលឹកឡើងវិញដែរថា Steve Bruce គឺជាកីឡាករសំខាន់ម្នាក់របស់ Manchester United ក្រោមការដឹកនាំរបស់លោក Sir Alex Ferguson ។ គ្រូបង្វឹកវ័យ ៦០ ឆ្នាំរូបនេះបានបង្ហាញខ្លួនជាង ៤០០ ដងសម្រាប់បិសាចក្រហម ហើយក៏ជាប្រធានក្រុមក្នុងទសវត្សរ៍ទី ៩០ ផងដែរ៕
