លោក Zinedine Zidane បានឲ្យដឹងថា លោកមិនចាប់អារម្មណ៍ក្នុងការចូលដឹកនាំ Manchester United ទេ ប៉ុន្តែពេញចិត្តនឹងជំនួសលោក Mauricio Pochettino នៅ PSG ប្រសិនបើគ្រូបង្វឹកអាហ្សង់ទីនរូបនេះផ្ទេរទៅ Old Trafford។
ថ្មីៗនេះមានព័ត៌មានជាច្រើន បានផ្សាយថាបិសាចក្រហម បានទាក់ទងអតីតអ្នកចាត់ការក្រុម Real Madrid លោក Zidane បន្ទាប់ពីការចាកចេញរបស់ Ole Gunnar Solskjaer ។
ទោះជាយ៉ាងណាក៏ដោយ យោងតាម BBC Sport លោក Zidane មិនមានចេតនាក្នុងការដឹកនាំ Man Utd នៅដំណាក់កាលនេះទេ បើទោះបីជាមានការស្នើពីក្លិបក៏ដោយ។
ទន្ទឹមនឹងនោះ Zidane ក៏ចាប់អារម្មណ៍ក្នុងការដឹកនាំក្រុមជម្រើសជាតិបារាំងផងដែរ ដោយកិច្ចសន្យារបស់គ្រូបង្វឹកបច្ចុប្បន្ន លោក Didier Deschamps នឹងផុតកំណត់បន្ទាប់ពីការប្រកួតបាល់ទាត់ពិភពលោកនៅឆ្នាំក្រោយ៕
សូមទស្សនាវីដេអូខាងក្រោម៖
