គ្រូបង្វឹកអាហ្សង់ទីន លោក Lionel Scaloni បានបញ្ជាក់ថា Lionel Messi នឹងមានវត្តមានក្នុងការប្រកួតជាមួយប្រេស៊ីលនៅថ្ងៃអង្គារ។
ថ្លែងនៅក្នុងសន្និសិទកាសែតរបស់គាត់ កាលពីថ្ងៃចន្ទ លោក Scaloni បានបញ្ជាក់ថា Messi នឹងត្រូវដាក់ឲ្យលេងដូចជាការរំពឹងទុក ហើយគាត់មិនមានបញ្ហាណាមួយ នៅក្នុងការត្រលប់មកវិញរបស់គាត់ពីរបួសឡើយ។ គាត់បានមកដល់បន្ទាប់ពីសម្រាកជាច្រើនថ្ងៃ ប៉ុន្តែអ្វីដែលសំខាន់នោះគឺថាគាត់មកបានយ៉ាងល្អ។
គួររំលឹកថា Messi ដើមឡើយត្រូវបានជំនួសនៅពាក់កណ្តាលតង់ ក្នុងការប្រកួតនៅខែតុលាជាមួយ Lille ហើយបានទទួលការព្យាបាលជង្គង់របស់គាត់ក្នុងទីក្រុង Madrid ជាមួយនឹងមិត្តរួមក្រុម Leandro Paredes ។
អាហ្សង់ទីនឈរលេខ ២ តាមពីក្រោយប្រេស៊ីល ក្នុងតារាងជម្រុះ World Cup ដូច្នេះការឈ្នះលើក្រុម Selecao នឹងបិទគម្លាតរវាងក្រុម មហាអំណាចអាមេរិកខាងត្បូងទាំងពីរ ឲ្យនៅត្រឹមតែបីពិន្ទុប៉ុណ្ណោះ។ ក្នុងនោះប្រេស៊ីល បានឆ្លងផុតដើម្បីទៅចូលរួមព្រឹត្តការណ៍ FIFA World Cup ២០២២ នៅប្រទេសកាតា បន្ទាប់ពីយកឈ្នះកូឡុំប៊ី ១-០៕
