ប្រេស៊ីលនឹងគ្មាន Neymar សម្រាប់ការប្រកួតជម្រុះ World Cup របស់ពួកគេជាមួយអាហ្សង់ទីននៅថ្ងៃអង្គារនេះ។
តារាឆ្នើមរបស់ក្លឹប Paris Saint-Germain បានរងរបួស ហើយមិនបានធ្វើដំណើរទៅកាន់ប្រទេសអាហ្សង់ទីន ជាមួយនឹងក្រុមនោះទេ។ ហើយនឹងត្រឡប់ទៅប្រទេសបារាំងវិញ នៅថ្ងៃពុធនេះ។
យ៉ាងណាមិញ ខ្សែប្រយុទ្ធវ័យ ២៩ ឆ្នាំរូបនេះ បានលេងពេញ ៩០ នាទី ខណៈដែលក្រុមរបស់គាត់បានយកឈ្នះកូឡុំប៊ី ១-០ កាលពីថ្ងៃព្រហស្បតិ៍ ហើយបានជួយ Lucas Paqueta ក្នុងការរកគ្រាប់បាល់។
ប្រេស៊ីលស្ថិតនៅលេខមួយក្នុងតារាង ដោយអាហ្សង់ទីនតាមពីក្រោយពួកគេចំនួនប្រាំមួយពិន្ទុ។ បញ្ជាក់ផងដែរថា ប្រេស៊ីល បានឆ្លងផុតដើម្បីទៅចូលរួមព្រឹត្តការណ៍ FIFA World Cup ២០២២ នៅប្រទេសកាតា៕
