កីឡាករ Kevin De Bruyne បានបង្ហើបថា Manchester City បានហ្វឹកហាត់ត្រឹមតែ ១០ នាទីប៉ុណ្ណោះមុនពេលពួកគេយកឈ្នះ Manchester United ។
គួររំលឹកថា ការស៊ុតបញ្ចូលទីរបស់ Eric Bailly និង Bernardo Silva បានធ្វើឲ្យ Man United បានរងបរាជ័យយ៉ាងអាម៉ាស់កាលពីចុងសប្តាហ៍មុន ដោយ Man City បានគ្រប់គ្រងក្នុងជ័យជម្នះ ២-០ នៅ Old Trafford ។
យ៉ាងណាមិញ ខ្សែបម្រើប៊ែលហ្សិកវ័យ ៣០ ឆ្នាំរូបនេះ ឥឡូវនេះបានអះអាងថា អ្នកចាត់ការទូទៅរបស់ Man City លោក Pep Guardiola ដំបូងឡើយ គាត់មិនដឹងពីរបៀបដើម្បីរៀបចំសម្រាប់ការទប់ទល់នឹងក្រុមរបស់លោក Ole Gunnar Solskjaer នោះទេ។
De Bruyne បានប្រាប់សារព័ត៌មាន MidMid podcast ថា៖ «មួយថ្ងៃមុនការប្រកួត ជាធម្មតាយើងហ្វឹកហាត់ដោយប្រើយុទ្ធសាស្ត្រ ដោយផ្អែកលើរបៀបដែលគូប្រកួតលេង»។ ប៉ុន្តែមុនពេលប៉ះជាមួយ Man United លោក Pep បាននិយាយថា៖ «យើងមិនដឹងថាពួកគេនឹងលេងដោយរបៀបណាទេ។ យើងនឹងឃើញ ហើយយើងបានបញ្ឈប់ការហ្វឹកហាត់បន្ទាប់ពី ១០ នាទី ឬច្រើនជាងនេះ»។ ជារឿយៗ Pep ដឹងពីរបៀបដែលគូប្រជែងនឹងលេង។ លើកនេះគាត់មិនដឹង ដូច្នេះគាត់មិនដឹងថាត្រូវធ្វើអ្វីទេ៕
