យោងតាមការចុះផ្សាយរបស់សារព័ត៌មាន The Sun បានឲ្យដឹងថា ក្លឹបអ្នកមាន Newcastle United បានចាប់អារម្មណ៍លើខ្សែការពាររបស់ក្លឹបបិសាចក្រហម កីឡាករ Phil Jones។
ប្រភពខាងលើក៏បានបញ្ជាក់ផងដែរថា ក្លឹបសារិកាព្រៃ ស្ថិតក្នុងចំណោមក្លឹបយ៉ាងហោចណាស់ចំនួន ១៣ ដែលចាប់អារម្មណ៍លើខ្សែការពារ Manchester United ។ កីឡាករអង់គ្លេសរូបនេះបានជួបបញ្ហារបួសស្ទើរតែមិនបានបង្ហាញខ្លួននៅទីលាន។
បញ្ជាក់ផងដែរថា Jones បានបង្ហាញខ្លួន ២២៤ ដងសម្រាប់ក្រុម Manchester United ចាប់តាំងពីចូលរួមជាមួយពួកគេក្នុងឆ្នាំ ២០១១ ដោយស៊ុតបញ្ចូលទីបាន ៦ គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន ១០ដង។ បិសាចក្រហម កំពុងសម្លឹងមើលការដោះដូរគាត់ចេញនៅរដូវរងានេះ ប៉ុន្តែប្រាក់ឈ្នួល ១៣០,០០០ ផោនក្នុងមួយសប្តាហ៍របស់គាត់អាចជាការបញ្ហារនៅក្នុងកិច្ចព្រមព្រៀង៕
