តារាឆ្នើមរបស់ក្លឹប Bayern Munich កីឡាករ Marc Roca បានស្ម័គ្រចិត្តធ្វើការក្រោមការដឹកនាំរបស់ Xavi នៅក្លឹប Barcelona ។ រឿងនេះនឹងកើតឡើង ប្រសិនបើអ្នកចាតា់ការសញ្ជាតិអេស្ប៉ាញរូបនេះត្រូវបានតែងតាំងជាអ្នកចាត់ការថ្មីនៃក្រុម Camp Nou នេះបើយោងតាមការចុះផ្សាយរបស់ Fichajes។
Marc Roca បានផ្លាស់ប្តូរពីក្លឹប Espanyol ទៅកាន់ឱ្យម្ចាស់ជើងឯកអាល្លឺម៉ង់ Bayern Munich ក្នុងតម្លៃខ្លួន ១៦ លានអឺរ៉ូកាលពីរដូវក្តៅមុន។ ប៉ុន្តែការផ្លាស់ប្តូរនេះមិនសូវទទួលបានផ្លែផ្កាសម្រាប់គាត់នោះទេ ដោយគាត់បានបង្ហាញខ្លួនត្រឹមតែ ៥១៩នាទីប៉ុន្នោះសម្រាប់ការលេងក្នុងរដូវកាលដំបូងរបស់គាត់នៅក្លឹប ហើយមិនអាចរកគ្រាប់បានឡើយ។
Roca បានជួបនឹងបញ្ហាជាមួយនឹងពេលវេលាលេងដែលពិបាកជាងមុនក្នុងរយៈពេលនេះ ដោយខ្សែបម្រើរូបនេះនៅមិនទាន់បានបង្ហាញខ្លួនឱ្យក្រុម Bayern Munich នោះទេ។ គាត់ហាក់ដូចជាមិនមានកន្លែងនៅក្នុងផែនការរបស់លោក Julian Nagelsmann សម្រាប់ពេលអនាគតទេ ហើយប្រហែលជាក្លឹបនឹងមិនបន្តកុងត្រាជាមួយគាត់ឡើយ។
ដោយមានការលំបាកនៅឯក្លឹប Bayern Munich ដូចនេះ Roca ត្រូវបានគេអះអាងថា ចង់ផ្លាស់ប្តូរទៅកាន់ប្រទេសអេស្ប៉ាញវិញ។ Barcelona គឺជាក្លឹបដែលចាប់អារម្មណ៍លើគាត់។ យោងតាមរបាយការណ៍កីឡាករវ័យ ២៤ ឆ្នាំបានស្ម័គ្រចិត្តរួមរស់ជាមួយ Xavi ដែលត្រូវបានគេសន្មត់ថានឹងទទួលបន្ទុកជាអ្នកចាត់ការថ្មីរបស់ Barcelona ។
Roca ចង់ធ្វើការក្រោមការដឹកនាំរបស់អតីតខ្សែបម្រើកណ្តាលនៅ Barcelona ។ ប៉ុន្តែវានៅតែត្រូវបានគេមើលឃើញថា តើក្លឹបកាតាឡានមានចំណាប់អារម្មណ៍ក្នុងការនាំគាត់មកពីក្លឹប Bayern Munich ដែរ ឬទេ?
