ក្នុងរយៈពេលប៉ុន្មានឆ្នាំចុងក្រោយនេះ យើងបានឃើញឧទាហរណ៍ជាច្រើនអំពីរបៀបដែលខ្សែការពារលំដាប់ពិភពលោកអាចជួយផ្លាស់ប្តូរក្រុមឲ្យកាន់តែអស្ចារ្យ ក្រុមខ្លាំងៗទាំងអស់ត្រូវការពឹងផ្អែកលើខ្សែការពារដ៏រឹងមាំ។
លោក Sir Alex Ferguson ធ្លាប់បាននិយាយថា៖ «ការវាយប្រហារឈ្នះការប្រកួតរបស់អ្នក ប៉ុន្តែការការពារឈ្នះពានរង្វាន់ឱ្យអ្នក»។ ការការពារគឺជាផ្នែកដែលមិនគួរឱ្យចាប់អារម្មណ៍នៃការប្រកួត។ ដូច្នេះទោះបីជាការសរសើរ និងការយកចិត្តទុកដាក់ទាំងអស់ផ្តោតទៅកាន់អ្នកស៊ុតបញ្ចូលទី និងអ្នកបង្កើតឱកាលក៏ដោយ វាមិនមានន័យថាខ្សែការពារមិនមានសារៈសំខាន់នោះទេ។
មានខ្សែការពារល្បីៗជាច្រើននៅលើពិភពលោក។ ប៉ុន្តែមិនមែនពួកគេទាំងអស់សុទ្ធតែទទួលបានប្រាក់ឈ្នួលច្រើននោះទេ។ ដូចនេះយើងក្រឡេកមើលខ្សែការពារ ៥នាក់ដែលរកចំណូលបានច្រើនជាងគេនៅលើពិភពលោក។
#5 Virgil van Dijk របស់ក្លឹប Liverpool រកបាន 220,000 ផោនក្នុងមួយសប្តាហ៍ 
#4 John Stones របស់ក្លឹប Manchester City រកបាន 250,000 ផោនក្នុងមួយសប្តាហ៍
#3 Marcelo របស់ក្លឹប Real Madrid រកបាន 266,000 ផោនក្នុងមួយសប្តាហ៍
#2 Raphael Varane របស់ក្លឹប Manchester United រកបាន 340,000 ផោនក្នុងមួយសប្តាហ៍
#1 David Alaba របស់ក្លឹប Real Madrid រកបាន 375,000 ផោនក្នុងមួយសប្តាហ៍
