ក្លឹបកាតាឡានបានបញ្ជាក់នៅថ្ងៃពុធនេះថា Ansu Fati បានចុះហត្ថលេខាលើកិច្ចសន្យារយៈពេល ៥ ឆ្នាំកន្លះនៅក្លឹប Barcelona ដែលរួមបញ្ចូលទាំងលក្ខខណ្ឌនៃការទិញផ្តាច់កុងត្រា ១ ពាន់លានផោន (៨៤៦ លានផោន/១.១៦ ពាន់លានដុល្លារ) ។
ខ្សែប្រយុទ្ធវ័យ ១៨ ឆ្នាំរូបនេះ បានយល់ព្រមបន្តនៅ Camp Nou រហូតដល់ឆ្នាំ ២០២៧ ដែលជាការបញ្ចប់នូវការរំពឹងទុកនាពេលថ្មីៗនេះអំពីអនាគតរបស់គាត់។
Barca ត្រូវបានគេរាយការណ៍ថា មានជម្រើសក្នុងការបន្តកុងត្រារបស់ Ansu ដល់ទៅ ២ ឆ្នាំរួចទៅហើយ ប៉ុន្តែពួកគេបានផ្លាស់ប្តូរដើម្បីធ្វើឱ្យប្រាកដថា រូបគេនៅតែស្ថិតក្នុងបញ្ជីរបស់ពួកគេក្នុងរយៈពេលវែង។
Fanti បានបង្ហាញខ្លួនចំនួន ៤៧ លើករួចមកហើយនៅគ្រប់ការប្រកួតទាំងអស់សម្រាប់ក្រុម Barca រកបាន ១៥ គ្រាប់ ដែលការប្រកួតចុងក្រោយទទួលជ័យជម្នះ ៣-១ ទល់នឹងក្រុម Valencia កាលពីថ្ងៃអាទិត្យដែលជាការចាប់ផ្តើមលីគដំបូងរបស់គាត់ ចាប់តាំងពីវិលត្រឡប់ពីការព្យាបាលរបួសរយៈពេល ១០ ខែនៅខាងក្រៅ៕
