ក្រុមបិសាចក្រហម Manchester United បានបង្កើតជ័យជម្នះដ៏គួរឱ្យភ្ញាក់ផ្អើលក្នុងការប្រកួតក្របខ័ណ្ឌ Champions League ទល់នឹងក្រុម Atalanta ក្នុងលទ្ធផល ៣-២ កាលពីយប់ថ្ងៃពុធ។
គ្រាប់បាល់របស់ Mario Pasalic និង Merih Demiral បានផ្តល់ឱ្យក្រុមអ៊ីតាលីនូវការនាំមុខ ២គ្រាប់ ដើម្បីបង្កើនសម្ពាធទៅលើគ្រូបង្វឹក Ole Gunnar Solskjaer របស់ក្រុមបិសាចក្រហម។
ប៉ុន្តែក្រុមបិសាចក្រហមបានបង្វែរការប្រកួតរបស់ខ្លួននៅពាក់កណ្តាលតង់ទីពីរ ជាមួយនឹងការវិលត្រឡប់ដ៏គួរឱ្យភ្ញាក់ផ្អើល ខណៈដែល Marcus Rashford, Harry Maguire និង Cristiano Ronaldo បានរកគ្រាប់បាល់បញ្ចូលទី។
វាគឺជាលទ្ធផលដែលធ្វើឱ្យមានភាពអាប់អួរនៅជុំវិញ Old Trafford បន្ទាប់ពីទទួលបានតែ ១ ពិន្ទុប៉ុណ្ណោះក្នុងការប្រកួតក្របខ័ណ្ឌ Premier League ៣ លើកចុងក្រោយរបស់ពួកគេ មុនពេលបើកទ្វារផ្ទះទទួលក្រុមហង្សក្រហម Liverpool នៅថ្ងៃអាទិត្យ។
ទោះយ៉ាងណាក្តី លទ្ធផលនៃការប្រកួតនេះ បាននាំមកនូវប្រតិកម្មផ្ទុយគ្នា ពីអតីតតារាឆ្នើមរបស់ក្រុមបិសាចក្រហម Paul Scholes និង Rio Ferdinand នៅក្នុងស្ទូឌីយោ BT Sport បន្ទាប់ពីការប្រកួត៕
សូមទស្សនាវីដេអូខាងក្រោម៖
https://www.youtube.com/watch?v=vrSeq4Za_D0
