បរទេស៖ កាលពីយប់ថ្ងៃទី១៦ ខែតុលា ឆ្នាំ២០២១ម្សិលមិញ ក្រុមខ្លាំងនៅក្នុងក្របខណ្ឌអង់គ្លេសទាំង៣ គឺទទួលបាន ៣ពិន្ទុ ទាំងអស់ ដោយឡែកមានតែ Manchester United មួយប៉ុណ្ណោះ ដែលទទួលបរាជ័យយ៉ាងធ្ងន់ធ្ងរ ក្រោមថ្វីដៃ Leicester City។
ក្នុងនោះដែរ ក្លឹបខ្លាំងចំនួន៣ ដែលទទួលជ័យជំនះនោះរួមមាន Liverpool 5-0 Watford, Man City 2-0 Burnley និង Chelsea 1-0 Brentford។ ខណៈក្លឹបបិសាចក្រហមវិញ គឺចាញ់ម្ចាស់ផ្ទះ Leicester City 4-2។ លទ្ធផលនេះ បានធ្វើអោយ ៣ប្រកួតចុងក្រោយរបស់បិសាចក្រហមក្នុងក្របខណ្ឌអង់គ្លេស គឺមិនទាន់ស្គាល់ពាក្យថាឈ្នះនោះឡើយទេ ដោយ ចាញ់២ និងស្មើរ ១៕
