កុងត្រារបស់ Paul Pogba ជាមួយ Manchester United នឹងផុតកំណត់នៅរដូវក្តៅឆ្នាំ ២០២២ ហើយអនាគតរបស់គាត់នៅតែមិនច្បាស់លាស់ ខណៈដែល Real Madrid, Paris Saint-Germain និង Juventus នឹងក្លាយជាគោលដៅសក្តានុពល ប្រសិនបើគាត់សម្រេចចិត្តចាកចេញពីទឹកដី Old Trafford ។
ខ្សែបម្រើបារាំងវ័យ ២៨ ឆ្នាំរូបនេះ មិនត្រូវបានគេរំពឹងថា នឹងពិចារណាពីការផ្តល់ជូនពីក្រុមណាមួយនៅក្នុងក្របខ័ណ្ឌ Premier League នោះទេ ប៉ុន្តែប្រសិនបើគាត់មិនដាក់ប៊ិចនៅលើក្រដាសកិច្ចព្រមព្រៀងថ្មីជាមួយ United ទេ គាត់នឹងមានសេរីភាពក្នុងការចរចាអនាគតរបស់គាត់ចាប់ពីថ្ងៃទី ១ ខែមករា។
Pogba នៅតែបន្តស្នាក់នៅ Old Trafford បន្ទាប់ពីការវិលត្រឡប់របស់ Cristiano Ronaldo និងការមកដល់របស់មិត្តរួមជាតិ Raphael Varane និងខ្សែបម្រើស្លាប Jadon Sancho ៕
