ខ្សែប្រយុទ្ធ Lionel Messi បានវាយប្រហារទៅលើអាជ្ញាកណ្តាល Wilton Pereira Sampaio បន្ទាប់ពីអាហ្សង់ទីនយកឈ្នះប៉េរូ ១-០ ក្នុងវគ្គជម្រុះ World Cup ។ តារាឆ្នើមរបស់ក្រុម Paris Saint-Germain បានអះអាងថា អាជ្ញាកណ្តាលសញ្ជាតិប្រេស៊ីលរូបនេះ តែងតែព្យាយាមធ្វើឱ្យក្រុមរបស់ខ្លួនមានការលំបាក ហើយចោទសួរថា តើសកម្មភាពរបស់អាជ្ញាកណ្តាលមានចេតនា ឬយ៉ាងណា។
អាហ្សង់ទីនបានយកឈ្នះប៉េរូ ១-០ កាលពីថ្ងៃព្រហស្បតិ៍ដោយសារគ្រាប់បាល់ពីកីឡាករ Lautaro Martinez នៅតង់ទី ១ ។ ទោះយ៉ាងណាតារាឆ្នើមក្រុមអាហ្សង់ទីនបានចោទប្រកាន់អាជ្ញាកណ្តាលលោក Wilton Pereira Sampaio ថាកាត់សេចក្តីមានភាពលំអៀង។
បន្ទាប់ពីការប្រកួតរួច Lionel Messi បានបង្ហោះនៅលើបណ្តាញ Instagram ដើម្បីបង្ហាញកំហឹងរបស់គាត់ចំពោះអាជ្ញាកណ្តាល ដែលមានខ្លឹមសារថា៖ «ការប្រកួតពិបាកលេង ខ្យល់បក់ខ្លាំង។ អាជ្ញាកណ្តាលតែងតែធ្វើបែបនេះនៅពេលគាត់កាត់សេចក្តីសម្រាប់ក្រុមយើង ប៉ុន្តែមិនអីទេ ៣ពិន្ទុវាសំខាន់ ហើយយើងជិតដល់គោលដៅរបស់យើងហើយ»៕
សូមទស្សនាវីដេអូខាងក្រោម៖
https://www.youtube.com/watch?v=6x9ttKHb0P8
