ភ្នំពេញ៖ ក្រោយការប្រកាសរបស់សហព័ន្ធបាល់ទាត់កម្ពុជា ទាក់ទងនឹងកីឡាករជម្រើសជាតិកម្ពុជាចំនួន ៦នាក់ បានឆ្លងកូវីដ១៩នៅពេលធ្វើដំណើរទៅប្រទេសបារ៉ែន ដើម្បីប្រកួតជាមួយនឹងក្រុមជម្រើសជាតិកោះហ្គាំ។ ក្នុងនោះដែរ កីឡាករ កែវ សុខផេង ក៏បាននិយាយអំពីផល លំបាក់នៅពេលដែលចេញទៅប្រកួតនៅឆាកអន្តរជាតិកំឡុងពេលកូវីដនេះ។
គាត់បានបញ្ជាក់ដូច្នេះថា បេសកម្មបាល់ទាត់ក្រុមជម្រើសជាតិឥឡូវមិនងាយស្រួលទេ បង ប្អូនអើយ ជាពិសេសគឺចេញទៅក្រៅប្រទេសនេះតែម្តង ពួកយើងប្រឈមនិង ការឆ្លងខ្លាំងណាស់ ពួកយើងខិតខំការពារខ្លាំងណាស់ដែរ ប៉ុន្តែគេចមិនផុត ហឹម… ហើយពេលនេះ កីឡាកររបស់យើងទាំង៦នាក់ ត្រូវបានវិជ្ជមានកូវីដ១៩ ជូនពរឱ្យកីឡាករដែលវិជ្ជមានកូវីដ ឆាប់ជាសះស្បេីយ នឹងត្រលប់មកមាតុភូមិដោយសុវត្តិភាព៕
