វីរបុរសក្លឹបលោក Paul Scholes ជឿជាក់ថាការសម្រេចចិត្តរបស់ក្រុមបិសាចក្រហម Manchester United ក្នុងការប្រើប្រាស់ខ្សែបម្រើគោលពីរនាក់ កំពុងរារាំងក្លឹបក្នុងការប្រកួតប្រជែងពានរង្វាន់ក្របខ័ណ្ឌ Premier League ។
ថ្លែងទៅកាន់ Daily Star លោក Paul Scholes បាននិយាយថា៖ «បិសាចក្រហម គួរតែរៀនសូត្រពីក្រុម Manchester City និង Liverpool ដោយលេងតែខ្សែបម្រើគោលម្នាក់ប៉ុណ្ណោះ»។
អតីតខ្សែបម្រើរូបនេះជឿជាក់ថា United មានក្រុមល្អគ្រប់គ្រាន់ ដើម្បីប្រកួតប្រជែងនៅ Premier League ។ Scholes បាននិយាយថា៖ «នោះគឺជាភាពខុសគ្នារវាងបិសាចក្រហម ហើយខ្ញុំគិតថា Liverpool និង Man City ពួកគេមានភាពរហ័សរហួន និងការប្រយុទ្ធរច្រើនជាង។ ក្រុមមេឃខៀវគឺមានលក្ខណៈខុសពីក្រុម Chelsea ពួកគេប្រើខ្សែបម្រើគោលតែម្នាក់ ហើយកីឡាករ ៦ ទៅ ៧នាក់ឡើងទៅប្រយុទ្ធ»។
«ខ្ញុំគិតថាប្រសិនបើ Ole អាចទទួលបានភាពត្រឹមត្រូវជាមួយនឹងតុល្យភាពនៅក្នុងក្រុមនោះ ខ្ញុំគិតថាវាលែងជាបញ្ហាចោទហើយ។ ឆ្ពោះទៅមុខយើងមានកីឡាករល្អជាច្រើនជាមួយនឹងការមកដល់របស់ Cristiano ហើយនៅតំបន់ការពារ យើងមើលទៅអស្ចារ្យ»៕
