Rio Ferdinand បានផ្តល់ដំបូន្មានដល់ Lionel Messi ឲ្យយកតម្រាប់តាមការលះបង់ដែល Wayne Rooney ធ្លាប់លះបង់ឲ្យ Cristiano Ronaldo នៅក្លឹប Manchester United ។
Lionel Messi, Neymar និង Kylian Mbappe បង្កើតបានជាប្រព័ន្ធប្រយុទ្ធជួរមុខ ៣នាក់សម្រាប់ PSG ។ ពួកគេមិនទាន់សហការគ្នាបានល្អនោះទេ ទោះបីជាមានសញ្ញាណវិជ្ជាមាននៃការប្រកួតយប់មិញ នៅក្នុងការប្រកួតពានរង្វាន់ UEFA Champions League របស់ PSG ទល់នឹងក្រុម Manchester City ក៏ដោយ។
ថ្លែងទៅកាន់ទូរទស្សន៍ BT Sport Rio Ferdinand បាននិយាយថា Messi ប្រហែលជាត្រូវយក Rooney ជាគំរូ កីឡាករអន្តរជាតិអង់គ្លេសរូបនេះ ពេលខ្លះបានផ្លាស់ទៅស្លាបឆ្វេង ដើម្បីគាំទ្រកីឡាករ Cristiano Ronaldo ហើយ Ferdinand បានបន្តថា៖ “ Messi ត្រូវតែបន្ទន់ឥរិយាបថ ដូចទៅនឹង Wayne Rooney ដែលជាកីឡាករមានទេពកោសល្យលំដាប់ពិភពលោក គាត់សុខចិត្តលះបង់ធ្វើជាខ្សែបម្រើសម្រាប់ Cristiano Ronaldo” ។
“នៅពេលអ្នកមានកីឡាករបែបនេះ អ្នកនឹងទទួលបានជោគជ័យ អ្នកនឹងឈ្នះការប្រកួតធំពានរង្វាន់ធំ” ៕
