លោក Pep Guardiola អ្នកចាត់ការទូទៅរបស់ក្រុម Manchester City បានបង្ហាញការកោតសរសើរចំពោះខ្សែបម្រើ Marco Verratti របស់ក្រុម PSG សម្រាប់ការបង្ហាញទម្រង់លេងដ៏អស្ចារ្យរបស់គាត់ នៅក្នុងការប្រកួតក្របខ័ណ្ឌ Champions League កាលពីម្សិលមិញ (ថ្ងៃទី ២៨ ខែកញ្ញា) ។
គ្រូបង្វឹករូបនេះបាននិយាយអំពី Verratti បន្ទាប់ពី Manchester City បរាជ័យក្នុងលទ្ធផល ២-០ ក្រោមថ្វីជើងប៉ារីសថា៖“ ខ្ញុំស្រលាញ់គាត់។ លោកបានបន្ថែមថា“ ទោះបីស្ថិតក្រោមសម្ពាធក៏ដោយ ក៏គាត់អាចស្វែងរកការបញ្ជូនបាល់ទាំងនោះ ដើម្បីបង្កើតឱកាសបានដែរ” ។
លោក Pep Guardiola ក៏មានការភ័យខ្លាចចំពោះការវាយប្រហាររបស់តារាឆ្នើមរបស់ PSG ដែលរួមមាន Lionel Messi, Kylian Mbappe និង Neymar ។ គាត់សារភាពថាវាពិបាកក្នុងការបិទអ្នកទាំងបីណាស់។
ពួកគេពូកែបង្កើតឱកាស ពួកគេគឺជាកីឡាករពិសេសដូចជា Messi-Suarez-Neymar នៅ Barca អញ្ចឹង។ មិនមានក្រុមច្រើនទេ ដែលអាចមានកីឡាករទាំងនេះទេ ប៉ុន្តែ PSG មានពួកគេ៕
