ក្លិប Barcelona បានប្រកាសជាផ្លូវការ នូវការចុះហត្ថលេខាលើខ្សែបម្រើវ័យ ១៧ ឆ្នាំ Emre Demir ដែលនឹងចូលរួមជាមួយក្រុម Barcelona B នៅរដូវកាលក្រោយពីក្លិប Kayserispor ក្នុង២លានអ៊ឺរ៉ូ ដែលមានកិច្ចសន្យារហូតដល់ឆ្នាំ ២០២៧។
ខ្សែបម្រើយុវជនតួកគី វ័យ ១៧ឆ្នាំរូបនេះ បានបង្ហាញខ្លួនជាផ្លូវការជាលើកដំបូងរបស់ខ្លួននៅក្នុងការប្រកួត Super Lig របស់ទួរគីនៅអាយុ ១៥ ឆ្នាំហើយបានក្លាយជាអ្នកស៊ុតបញ្ចូលទីក្មេងជាងគេ នៅក្នុងប្រវត្តិសាស្ត្រនៃការប្រកួត៕
