ក្លិបអ្នកមានបុណ្យ Barcelona បានបញ្ចប់លទ្ធផលក្នុងការប្រកួតត្រឹមស្មើគ្នា ០-០ ជាមួយក្រុម Cadiz ក្នុងការប្រកួត La Liga កាលពីយប់ថ្ងៃព្រហស្បតិ៍ ស្របពេលអ្នកចាត់ការ Ronald Koeman កាន់តែប្រឈមនឹងបាត់បង់តំណែង។
ខ្សែបម្រើ Frenkie de Jong ទទួលបានកាតក្រហម នៅនាទីទី៦៥ ដែលធ្វើឱ្យ Barcelona នៅសល់គ្នាតែ១០នាក់លើទីលាន ដែលធ្វើឱ្យក្រុមរបស់លោក Koeman ពិបាករកបានបីពិន្ទុពីការប្រកួត ដ៏តានតឹងមួយនេះ។
បច្ចុប្បន្ន Barcelona ទទួលបានជ័យជម្នះតែ២លើកប៉ុណ្ណោះ ក្នុងចំណោម៥ប្រកួតក្នុងលីគ ដែលធ្វើឱ្យតំណែងរបស់លោក Koeman ស្ថិតនៅក្នុងភាពស្រពេចស្រពិល ខណៈបច្ចុប្បន្នពួកគេឈរនៅលេខ៧ក្នុងតារាង និងមានគម្លាត៧ពិន្ទុ ពីក្រុមកំពូលតារាង Real Madrid ប៉ុន្ដែ Barca នៅសល់មួយប្រកួតក្នុងដៃទៀត។
គួរបញ្ជាក់ថា សម្ពាធរបស់លោក Koeman កាន់តែកើនឡើង បន្ទាប់ពីចាប់ផ្ដើមរដូវកាលមក ដោយក្រុមយក្សអេស្ប៉ាញមួយនេះ ស្មើ៣ប្រកួត និងបរាជ័យ ០-៣ ក្រោមថ្វីជើង Bayern Munich សម្រាប់ការប្រកួតបើកឆាកនៅ UEFA Champions League៕
សូមទស្សនាវីដេអូខាងក្រោម៖
https://www.youtube.com/watch?v=v6Aaz_AT5VM
