លោក Mino Raiola អ្នកតំណាងរបស់កីឡករ Paul Pogba បានអះអាងថា អតិថិជនរបស់គាត់ អាចត្រលប់ទៅ Juventus វិញនៅរដូវក្តៅខាងមុខនេះ។
គួរបញ្ជាក់ថា កិច្ចសន្យារបស់ Pogba ជាមួយក្រុមបិសាចក្រហម Manchester United គ្រោងនឹងផុតកំណត់នៅចុងរដូវកាលនេះ ហើយខ្សែបម្រើប្រយុទ្ធឆ្នើមរូបនេះ មិនទាន់យល់ព្រមលើលក្ខខណ្ឌថ្មីនៅឡើយទេ។
ភ្នាក់ងាររបស់គាត់បាននិយាយថា “គាត់អាចត្រលប់ទៅ Juve វិញ ព្រោះរូបគេលែងមានអារម្មណ៍សប្បាយចិត្តនឹងនៅ Old Trafford ទៀតហើយ”។
កីឡាករអន្តរជាតិបារាំងរូបនេះ បានបង្ហាញទម្រង់លេងយ៉ាងល្អ ក្នុងការចាប់ផ្តើមយុទ្ធនាការនាពេលបច្ចុប្បន្ននេះ ដោយអាចរកគ្រាប់បាល់បញ្ចូលទីបាន ៧ គ្រាប់ក្នុងការប្រកួតលីក ៤ លើកដំបូងរបស់ Man United ៕
