ប៉ូលីសប្រេស៊ីល បានបើកការស៊ើបអង្កេតលើការចោទប្រកាន់ថា កីឡាករអាហ្សង់ទីន ៤ នាក់បានបំពានគោលការណ៍ណែនាំរបស់កូវីដ-១៩ ដែលនាំឱ្យមានការផ្អាក ការប្រកួតនៅថ្ងៃអាទិត្យជាមួយម្ចាស់ផ្ទះប្រេស៊ីល។
ការប្រកួតនៅកីឡដ្ឋានកូរិនថូស ត្រូវបានផ្អាក បន្ទាប់ពីការចាប់ផ្តើមការប្រកួតបានមួយនាទី នៅពេលដែលអាជ្ញាធរសុខាភិបាលប្រេស៊ីល បានព្យាយាមស្តីបន្ទោសលើកីឡាករ Emi Martinez, Emiliano Buendia, Giovani Lo Celso និង Sergio Romero ។
គួរបញ្ជាក់ថា នៅក្រោមច្បាប់ជាតិប្រេស៊ីល អ្នកដំណើរបរទេស មកពីចក្រភពអង់គ្លេសត្រូវធ្វើចត្តាឡីស័ក ១៤ ថ្ងៃសិន នៅមុនពេលពួកគេមកដល់ប្រទេស។
មន្ត្រីជឿជាក់ថាអត្តពលិកទាំង ៤ នាក់ខាងលើនេះ ដែលពាក់ព័ន្ធផ្តល់ព័ត៌មានមិនពិត ដើម្បីចៀសវាងការ ដាក់ឲ្យនៅដាច់ដោយឡែក ហើយដូច្នេះអាចមានពិរុទ្ធពីបទឧក្រិដ្ឋនៃការផ្តល់ព័ត៌មានខុស៕
