តាមប្រភពព័ត៌មានរបស់ Goal អាចបញ្ជាក់ថា Antoine Griezmann បានកាត់បន្ថយប្រាក់ឈ្នួល ៤០ ភាគរយ ដើម្បីចូលរួមជាមួយ Atletico Madrid ពីក្រុម Barcelona វិញ។
Griezmann បានបញ្ចប់ពីការវិលត្រឡប់ដ៏គួរឱ្យភ្ញាក់ផ្អើលទៅកាន់ Atletico នៅថ្ងៃផុតកំណត់ ដោយ Barca បានយល់ព្រមលើកិច្ចព្រមព្រៀងខ្ចីជើង រយៈពេលមួយរដូវកាលដំបូង។
គួរបញ្ជាក់ថា ខ្សែប្រយុទ្ធបារាំងវ័យ ៣០ឆ្នាំរូបនេះ គឺជាកីឡាករម្នាក់ ក្នុងចំណោមកីឡាករជាច្រើននាក់ ដែលបានចាកចេញពីទឹកដី Camp Nou នៅរដូវក្តៅនេះ ខណៈដែល Barca បានព្យាយាមកាត់បន្ថយការចំណាយ ទៅលើប្រាក់ពលកម្មរបស់ពួកគេ៕
