គ្រូបង្វឹកក្រុមសេះបង្កង់ Juventus លោក Massimiliano Allegri ត្រូវបានគេរាយការណ៍ថា បានខឹងសម្បាយ៉ាងខ្លាំង បន្ទាប់ពីក្លឹបសេះបង្កង់បានអនុញ្ញាតឱ្យ Cristiano Ronaldo ចូលរួមជាមួយអតីតក្លឹប Manchester United កាលពីសប្តាហ៍មុន។
តារាឆ្នើមសញ្ជាតិព័រទុយហ្កាល់រូបនេះ បានចាកចេញពីក្លឹប Juventus ក្រោយចំណាយរយៈពេល ៣ ឆ្នាំ និងបានចុះហត្ថលេខាជាមួយបិសាចក្រហម កាលពីថ្ងៃសុក្រសប្តាហ៍មុនក្នុងកិច្ចព្រមព្រៀងតម្លៃ ១៩,៤ លានផោន។
ប៉ុន្តែឥឡូវនេះលោក Allegri បានខឹងសម្បារយ៉ាងខ្លាំង ខណៈដែលគាត់បានកំណត់ភារកិច្ចសម្រាប់គោលដៅរបស់ Ronaldo ដែលជាកិច្ចព្រមព្រៀងមួយរវាងលោក និងក្លិប ចំពោះការទទួលយកសំណើរសុំចូលក្លឹបវិញ។
គ្រូបង្វឹកវ័យ ៥៤ ឆ្នាំរូបនេះ បានចូលរួមជាមួយក្រុមអ៊ីតាលីឡើងវិញនៅរដូវក្តៅនេះ ដោយជំនួសលោក Andrea Pirlo បន្ទាប់ពីការខកចិត្តកាលពីរដូវកាលមុន។
យ៉ាងណាមិញ Juventus បាននាំយក Moise Kean របស់ក្រុម Everton ដើម្បីបំពេញចន្លោះដែលនៅសល់ដោយ Ronaldo ។ ហើយពួកគេក៏បានចុះហត្ថលេខាជាមួយ Manuel Locatelli ពី Sassuolo នៅរដូវក្តៅនេះ ប៉ុន្តែវាមិនបានធ្វើឲ្យក្រុមឈានដល់កម្រិតដែលរំពឹងទុកនោះឡើយ ខណៈដែលបានបញ្ចប់ក្នុងចំណាត់ថ្នាក់លេខ ៤ កាលពីរដូវកាលមុន៕
