កីឡាករ Andy Robertson បានចុះកុងត្រាថ្មីជាមួយក្រុមហង្សក្រហម Liverpool ដែលនឹងរក្សាគាត់នៅឯកីឡដ្ឋាន Anfield រហូតដល់រដូវក្តៅឆ្នាំ ២០២៦ ។
ខ្សែការពារស្លាបឆ្វេង សញ្ជាតិស្កុតលេន វ័យ ២៧ ឆ្នាំរូបនេះ ដែលឈ្នះពានរង្វាន់ក្របខ័ណ្ឌ Premier League និង Champions League ដែលបានបង្ហាញខ្លួនចំនួន ១៧៧លើក សម្រាប់ក្លិបនេះ នឹងបន្តជាមួយក្រុមហង្សក្រហមរយៈពេល ៣ ឆ្នាំទៀត។
Robertson គឺជាកីឡាករចុងក្រោយ ដែលប្តេជ្ញាអនាគតរយៈពេលវែង ចំពោះក្រុមរបស់លោក Jurgen Klopp ដោយមាន Alisson, Fabinho, Trent Alexander-Arnold និង Virgil van Dijk ទទួលបានលក្ខខណ្ឌថ្មីៗ។
ដោយឡែក ហង្សក្រហម ក៏កំពុងពិភាក្សាកិច្ចសន្យា ដែលកំពុងបន្តជាមួយកំពូលតារាអេហ្ស៊ីប Mohamed Salah ផងដែរ។ ខណៈដែលកិច្ចសន្យាបច្ចុប្បន្នរបស់គាត់ នឹងផុតកំណត់នៅឆ្នាំ ២០២៣៕
