ក្លិបសេះបង្កង់ Juventus បានខកឱកាសទទួលបាន ៣ពិន្ទុពី Udinese ក្នុងការប្រកួតនៅ Serie A ដោយក្រុមទាំងពីរស្មើគ្នា ដោយលទ្ធផល ២-២ ដោយសារគ្រាប់បាល់ជ័យជម្នះរបស់ Cristiano Ronaldo ត្រូវបានពិនិត្យឃើញថា offside។
កំពូលខ្សែប្រយុទ្ធវ័យ ៣៦ឆ្នាំ បានប្ដូរចូលជំនួស Alvaro Morata ក្នុងនាទីទី៦០ ហើយរំពឹងថាមានឱកាសតែតបញ្ចូលទីគ្រាប់បាល់ជ័យជម្នះចុងម៉ោង ពីការបញ្ជូនកាត់យ៉ាងល្អពី Federico Chiesa ប៉ុន្ដែគ្រាប់បាល់នេះមិនត្រូវបានផ្ដល់ឱ្យទេ បន្ទាប់ពីអាជ្ញាកណ្ដាលពិនិត្យ VAR។
ក្នុងការប្រកួតនោះ ក្រុមភ្ញៀវ Juventus មានឱកាសនាំមុខពីរគ្រាប់ ត្រឹមរយៈពេលជាង២០នាទីដំបូង ដោយ Paulo Dybala និង Juan Cuadrado។
ប៉ុន្ដែក្រុមម្ចាស់ផ្ទះ មានឱកាសវាយបកតាមស្មើ២គ្រាប់វិញ ដោយការស៊ុតប៉េណាល់ទីរបស់ Roberto Pereyra និង ការស៊ុតបានយ៉ាងល្អពីអតីតខ្សែប្រយុទ្ធក្រុមអ្នកមានបុណ្យ Gerard Deulofeu៕
សូមទស្សនាវីដេអូខាងក្រោម៖
