Daily mail បានផ្សាយថា ក្រុមបិសាចក្រហម Manchester United កំពុងពិចារណាក្នុងការចូលប្រជែង ទិញយកកីឡាករគោលដៅរបស់ក្រុម Real Madrid មួយរូប នារដូវកាលក្រោយ។
បើតាមការចុះផ្សាយពី ESPN បានឲ្យដឹងថា ម្ចាស់ដី Old Trafford កំពុងពង្រឹងសមត្ថភាពនៅតំបន់បម្រើ និងខ្សែការពារស្លាបស្ដាំ មុនទីផ្សារដោះដូរកីឡាករបិទទ្វារក្នុងរយៈពេល ១១ ថ្ងៃខាងមុខ។ ដូច្នេះពួកគេ មានគម្រោងនឹងតាមទិញខ្សែប្រយុទ្ធឆ្នើមៗ នារដូវកាលក្រោយបន្ថែមទៀត។
ជាក់ស្ដែង បច្ចុប្បន្ន Man utd មិនសូវជាខ្វាយខ្វល់ជាមួយកីឡាករនៅតំបន់ប្រយុទ្ធប៉ុន្មានឡើយ ដោយអាងថាមាន Edinson Cavani នៅប្រចាំការតំបន់នេះស្រាប់ ស្របពេលកុងត្រារវាងកីឡាករ និងក្លឹបត្រូវផុតកំណត់នារដូវកាលក្រោយ ខណៈពួកគេរំពឹងថា Mason Greenwood នឹងក្លាយជាអ្នកស្នងតំណែងរបស់កីឡាករអ៊ុយរុយហ្គាយរូបនេះ។
រំលឺកដែរថា ប្រសិនបើ Mbappe នៅប្រកាន់ជំហរមិនបន្តកុងត្រាថ្មីជាមួយក្លឹប PSG នោះគេនឹងក្លាយជាកីឡាករគ្មានតម្លៃខ្លួននារដូវកាលក្រោយ ស្របពេលក្រុមអធិរាជស Real Madrid គឺជាបេក្ខភាពធំបំផុតមួយនៃការក្លាយជាទ្រនំថ្មីរបស់កីឡាករឆ្នើម សញ្ជាតិបារាំងរូបនេះ៕
