ក្រុមមេឃខៀវ Manchester City នឹងបញ្ចប់ការក្នុងការចុះហត្ថលេខាជាមួយ Harry Kane ប្រសិនបើពួកគេទទួលបានជោគជ័យក្នុងការនាំយក Jack Grealish ក្នុងតម្លៃ១០០លានផោនពី Astone Villa មកកាន់ Etihad។
យោងតាមសារព័ត៌មាន Manchester Evening News បានឲ្យដឹងថា ក្នុងកញ្ចប់១០០លានផោន លោក Pep Guardiola នឹងមិនមានថវិកាគ្រាប់គ្រាន់ ដើម្បីតាមយក Harry Kane បានទេ លុះត្រាតែ ក្លិបដាក់លក់កីឡាករចេញបន្ថែម។
យ៉ាងណាមិញ ប្រធានក្លឹបមាន់ខ្នាយមាស Tottenham លោក Daniel Levy បានបញ្ជាក់យ៉ាងច្បាស់ថា គាត់គ្មានបំណងលក់ប្រធានក្រុមអង់គ្លេស Harry Kane ឡើយ ខណៈដែលរូបគេមានកុងត្រា ៣ ឆ្នាំទៀត ហើយប្រសិនបើក្លិបចង់លក់យ៉ាងតិចក៏ ១៥០ លានផោនដែរ៕
