អ្នកចាត់ការទូទៅក្រុមកាំភ្លើងធំ Arsenal លោក Mikel Arteta បានបញ្ជាក់ថា សំណើររបស់ Granit Xhaka ទៅកាន់ Roma ត្រូវបានបិទហើយ លោករំពឹងថាខ្សែបម្រើរូបនេះនឹងក្លាយជា «សមាជិកសំខាន់» របស់ក្រុមនៅឆ្នាំនេះ។
កាលពីដើមរដូវក្តៅ ខ្សែបម្រើការពាររូបនេះ ហាក់ដូចជាមានទំនាក់ទំនងជាមួយលោក Jose Mourinho នៅក្លឹប Serie A ទោះបីជារបាយការណ៍ កាលពីសប្តាហ៍មុនបានចាប់ផ្តើមផ្សាយថា Xhaka នឹងនៅជាមួយក្រុមកាំភ្លើងធំក៏ដោយ។
យ៉ាងណាមិញ ថ្មីៗនេះ Xhaka បានត្រលប់មកហ្វឹកហាត់វិញ មុនការប្រកួតមិត្តភាពរវាង Arsenal ទល់នឹងក្រុមតោខៀវ Chelsea ។
ទន្ទឹមនឹងនេះដែរ Arsenal នឹងមានការប្រកួតមិត្តភាពចុងក្រោយមួយទល់នឹង Tottenham នៅថ្ងៃអាទិត្យក្រោយផងដែរ៕
