គ្រូបង្វឹករបស់ក្លិប Borussia Dortmund បានបង្ហើបឲ្យដឹងថា ខ្សែប្រយុទ្ធវ័យក្មេងស្បែកខ្មៅ កីឡាករ Youssoufa Moukoko ប្រាប់ថារូបគេចង់ឈប់ពីអាជីពបាល់ទាត់ ព្រោះដោយសារការរងសម្ពាធខ្លាំងពេក។
កីឡាករយុវជនអន្តរជាតិអាល្លឺម៉ង់ សញ្ជាតិដើមកាមេរូនវ័យ១៦ឆ្នាំរូបនេះ ត្រូវបានបញ្ចូលក្នុងក្រុមដំបូងរបស់ Dortmund តាំងពីអាយុ ១៥ ឆ្នាំនៅខែមករាឆ្នាំ ២០២០ ដោយរកបាន ៨៨ គ្រាប់ក្នុង ១៤១ ប្រកួតសម្រាប់ក្លឹបនៅកម្រិតសាលា។
នៅខែវិច្ឆិកាឆ្នាំនោះ ខ្សែប្រយុទ្ធរូបនេះ បានក្លាយជាកីឡាករក្មេងជាងគេ នៅក្នុងប្រវត្តិសាស្ត្រក្របខ័ណ្ឌ Bundesliga នៅពេលដែលបង្ហាញខ្លួនជាលើកដំបូង មួយថ្ងៃបន្ទាប់ពីថ្ងៃខួបកំណើតគម្រប់អាយុ ១៦ ឆ្នាំរបស់គេ ហើយចាប់តាំងពីពេលនោះមក តួនាទីរបស់គេបានធ្លាក់ចុះជាលំដាប់៕
