យោតាមកាសែត The Telegraph ថ្មីៗនេះបានរាយការណ៍ថា ក្លិបកាំភ្លើងធំ Arsenal កំពុងធ្វើការតាមដានយ៉ាងយកចិត្តទុកដាក់ លើស្ថានភាពរបស់ខ្សែប្រយុទ្ធ Lautaro Martinez នៅក្នុងក្រុម Inter Milan ។
ខ្សែប្រយុទ្ធអាហ្សង់ទីនវ័យ ២៣ឆ្នាំរូបនេះ ត្រូវបានគេចាត់ទុកថា ជាកីឡាករលេចធ្លោមួយរូប ក្នុងពេលបច្ចុប្បន្ន ខណ:សូម្បីតែ Lionel Messi ក៏ធ្លាប់បានលើកសរសើររូបគេ មិនដាច់ពីមាត់ផងដែរ។
តែទោះជាយ៉ាង ការលេងរបស់គេ នៅឯទឹកដី San Siro មើលទៅហាក់មិនមានភាពច្បាស់លាស់នោះទេ ដោយសារតែក្លិប Inter អាចត្រូវបង្ខំលក់តារាឆ្នើម នៅក្នុងក្រុមពួកគេរូបនេះចេញ ដើម្បីបង្វិលលុយសម្រាប់ជ្រោមជ្រែង ទៅលើហិរញ្ញវត្ថុរបស់ក្លិប ដែលកំពុងជួបបញ្ហាខ្លាំង ។
យ៉ាងណាមិញ ក្លិបនៅក្របខ័ណ្ឌ Serie A មួយនេះ ក៏បានបង្ហាញផងដែរថា Martinez អាចនឹងមានតម្លៃខ្លួនប្រមាណ ៧៧ លានផោន៕
