ក្រុមម្ចាស់ជើងឯក La Liga គឺ Atletico Madrid ចាប់អារម្មណ៍ចង់ទិញយកខ្សែប្រយុទ្ធ Alexander Lacazette ពីក្លិបកាំភ្លើងធំ Arsenal ដែលមានតម្លៃធូរថ្លៃ។
គ្រូបង្វឹកលោក Diego Simeone ត្រូវបានគេរាយការណ៍ថា កំពុងចង់បានកីឡាករខ្សែប្រយុទ្ធមកបន្ថែមទៀត ឲ្យបានមុនបើករដូវកាលថ្មី ប៉ុន្តែក្លិបពុំអាចទិញខ្សែប្រយុទ្ធតម្លៃខ្លួនថ្លៃៗនោះឡើយ ដោយសារកញ្ចប់ហិរញ្ញវត្ថុមានកំណត់។
ដូច្នេះហើយទើបលោកចង់យកកីឡាករខ្លួនទៅប្ដូរយក Lacazetta ឬសុំខ្ចីជើងគេតែម្ដង ស្របពេលកីឡាករសញ្ជាតិបារាំងរូបនេះ នៅសល់កុងត្រានៅទឹកដី Emirates រហូតដល់ចប់រដូវកាលក្រោយឯណោះ។
ស្របពេលជាមួយគ្នានោះដែរ Arsenal កំពុងចាប់អារម្មណ៍ទិញយកខ្សែប្រយុទ្ធ Tammy Abraham ពី Chelsea ដូច្នេះក្លិបនឹងលក់ Alexander Lacazette ក្នុងតម្លៃត្រឹមតែ ១៧លានអឺរ៉ូ (ស្មើនឹងប្រមាណ២០លានដុល្លារអាមេរិក) ប៉ុណ្ណោះ៕
