ខ្សែបម្រើរបស់ក្លិបបិសាចក្រហម កីឡាករ Bruno Fernandes បានសារភាពថា កាលពីចុងរដូវកាលមុន ខ្លួនបានរងសម្ពាធទាំងផ្លូវកាយ និងផ្លូវចិត្តយ៉ាងខ្លាំង។
ពិតណាស់ កាលពីរដូវកាលមុន Bruno ពិតជាហត់នឿយខ្លាំងមែនទែន ដោយរូបគេបានបង្ហាញខ្លួនចំនួន ៥៨ប្រកួត ពោល ខកខានតែមួយប្រកួតប៉ុណ្ណោះ ក្នុងក្របខណ្ឌ Premier League និងលេងបាន ១៥ប្រកួតក្នុងពានរង្វាន់នៅអឺរ៉ុប។
Bruno និយាយថា៖ « រដូវកាលមុន ជារដូវកាលដ៏លំបាក ព្រោះដោយសារបញ្ហាកូវីដ-១៩ ធ្វើឲ្យកាលវិភាគមមាញឹកខ្លាំង។ ក្រោយបញ្ចប់ការប្រកួតទល់នឹង Sevilla នៃវគ្គ៤ក្រុមចុងក្រោយពានរង្វាន់ Europa League 2020 គឺយើងមានពេលតែប្រាំថ្ងៃប៉ុណ្ណោះ ដើម្បីសម្រាក និ វិលត្រឡប់មកវិញ ដើម្បីប្រកួតក្នុងរដូវកាលថ្មី។ នៅពេលដែលបញ្ចប់រដូវកាល អ្នកតែងតែគិតថា ខ្ញុំអស់កម្លាំងណាស់ ខ្ញុំត្រូវការសម្រាក និងជួបជុំជាមួយក្រុមគ្រួសារ »៕
