តាមរបាយការណ៍បានឲ្យដឹងថា ក្លិបតោខៀវ Chelsea ចង់ទិញយកខ្សែបម្រើ Jack Grealish កាត់មុខ Manchester City បន្ទាប់ពីលេចឮដំណឹងថាលោក Pep Guardiola ចង់បានគេខ្លាំង។
ខ្សែបម្រើស្លាបអង់គ្លេសវ័យ ២៥ឆ្នាំរូបនេះ បានក្លាយជាកីឡាករជួរមុខមួយរូប ដែលគ្រូបង្វឹក Gareth Southgate ទុកចិត្ត និងបានរួមចំណែកជួយក្រុមជម្រើសជាតិអង់គ្លេស ឲ្យឡើងដល់ផ្ដាច់ព្រ័ត្រ Euro 2020 ដោយទទួលបានតំណែងជើងឯករងផងដែរ។
Grealish ទំនងជាចង់ចាកចេញពី Aston Villa ប៉ុន្តែក្លិបមួយនេះបានព្យាយាម ដាក់សំណើកុងត្រាល្អៗដល់រូបគេ ប៉ុន្តែយ៉ាងណាមិញឥលូវនេះ Chelsea បានចូលប្រជែងជាមួយ Man City ក្នុងការទិញកីឡាករវ័យ ២៥ឆ្នាំរូបនេះដែរហើយ។
ប៉ុន្តែ Caughtoffside បានបង្ហើបឲ្យដឹងថា ឱកាសដែល Chelsea ទិញយក Grealish បានគឺមានតិចណាស់ ដោយសារគេបានដាក់ចិត្ត និងព្រមព្រៀងផ្ទេរទៅទឹកដី Etihad ក្នុងតម្លៃខ្លួន ១២១.៣លានដុល្លារ និងចុះកុងត្រាចំនួន ៥ឆ្នាំទៀតផង៕
