ខ្សែប្រយុទ្ធក្លិបសេះបង្កង Juventus កីឡាករ Cristiano Ronaldo ធ្លាប់បានលើកឡើងច្បាស់ៗថា ខ្លួននឹងគ្មានថ្ងៃលេងឲ្យ Manchester City ឡើយ ព្រោះរូបគេធ្លាប់ជាអតីតកីឡាកររបស់ក្លឹបបិសាចក្រហម Manchester United។
ពិតណាស់បច្ចុប្បន្ន Man City កំពុងតែស្វះស្វែងរកខ្សែប្រយុទ្ធមានគុណភាពម្នាក់ មកជំនួសតំណែងរបស់ Sergio Aguero ដែលបានផ្លាស់ទៅកាន់ Barcelona ហើយក៏មានពាក្យចចាមអារ៉ាមថា ក្លិបបានចាប់អារម្មណ៍ចង់បាន Ronaldo មកកាន់កីឡដ្ឋាន Ethihad Stadium។
ទោះជាយ៉ាងណា CR7 បាននិយាយថា៖ បដិសេធ Man Utd ដើម្បីលេងឲ្យ Man City? ខ្ញុំគ្មានថ្ងៃនឹងធ្វើបែបនេះឡើយពីព្រោះបេះដូងរបស់ខ្ញុំ គឺនៅជាមួយ Man Utd។ ខ្ញុំគិតថាវាពិតជាពិបាកខ្លាំងមែនទែន ក្នុងការលេងឲ្យ Man City ពីព្រោះដោយសារតែ Man Utd៕
