ក្លិបមាន់ខ្នាយមាស Tottenham Hotspur បានតែងតាំងលោក Nuno Espirito Santos ជាគ្រូបង្វឹកថ្មី។ នេះបើតាមការប្រកាសជាផ្លូវការរបស់ក្លិបអង់គ្លេសមួយនេះ។
អតីតអ្នកចាត់ការ Wolverhampton Wanderers បានចុះកិច្ចសន្យារយៈពេលពីរឆ្នាំ ជាមួយក្លិបមាន់ខ្នាយមាស ក្នុងតំណែងជាអ្នកចាត់ការពេញសិទ្ធ ជំនួសលោក Jose Mourinho ដែលត្រូវបានក្លិបបណ្ដេញចេញពីតំណែង។
ជាការពិតណាស់ ប្រធានផ្នែកបច្ចេកទេសលោក Fabio Paratici បានធ្វើការចរចាគ្រូបង្វឹកជាច្រើនរូបមកហើយ ទើបចុងក្រោយចរចាត្រូវជាមួយអ្នកចាត់ការ ជនជាតិព័រទុយហ្កាល់ លោក Nuno។
ជាក់ស្តែង Spurs ធ្លាប់ចរចាជាមួយអ្នកចាត់ការ Antonio Conte, Mauricio Pochettino, Paulo Fonseca, Gennaro Gattuso និង Julen Lopetegui តាំងពីចប់រដូវកាល ២០២០-២១ ប៉ុន្ដែពុំមានការព្រមព្រៀងគ្នាឡើយ៕
