ចំណងមិត្តភាពរបស់ Kylian Mbappe និង Karim Benzema កាន់តែមានភាពស្និតស្នាល ហើយមិត្តភាពអ្នកទាំងពីរបាននាំមកនូវក្តីសង្ឃឹម និងក្តីរំភើបរីករាយដល់អ្នកគាំទ្រ Real Madrid ។
ចាប់តាំងពីខ្សែប្រយុទ្ធឆ្នើមរបស់ក្រុម Real Madrid ត្រូវបានកោះហៅចូលក្រុមជម្រើសជាតិបារាំងមក ពួកគេទាំងពីរនាក់កំពុងតែមានភាពប្រសើរទាំងនៅក្រៅ និងក្នុងទីលាន។
ស្របពេលដែលរបាយការណ៍បានលើកឡើងថា Mbappe គឺជាគោលដៅផ្ទេររបស់ Los Blancos។ ទំនាក់ទំនងរបស់ Benzema និងខ្សែប្រយុទ្ធ PSG វាមិនមែនជារឿងចម្លែកទេ ព្រោះពួកគេត្រូវនិយាយគ្នាពីទម្រង់លេងសម្រាប់ក្រុម ហើយមានអ្នកគាំទ្រនៅប្រទេសអេស្បាញ តែងសុបិនចង់ឃើញពួកគេលេងនៅក្នុងក្លឹបរួមគ្នា។
Benzema បាននិយាយនៅក្នុងបទសម្ភាសន៍ជាមួយ AFP ថា មានកីឡាករឆ្នើមៗ ច្រើនណាស់ចង់មកលេងនៅ Real Madrid ប៉ុន្តែមិនមានឱកាស។ ក្លឹបចង់បាន Mbappe ព្រោះគាត់ជាកីឡាករវ័យក្មេងមានភាពរហ័សរហួនរហ័សរហួន
ពោរពេញដោយសមត្ថភាព នឹងមានកាយសប្បទារឹងមាំ ។ ទន្ទឹមនឹងនេះដែរលោក Florentino Perez ក៏មានអារម្មណ៍រីករាយដែរ នៅពេលដែលឃើញ Benzema នឹង Mbappe មានទំនាក់ទំនងល្អបែបនេះ៕
