ប្រធានក្លិប Manchester City លោក Khaldoon Al Mubarak បានព្រមានគូប្រជែងរបស់ពួកគេថា ពួកគេនឹងកាន់តែខ្លាំងក្នុងការស្វែងរកពានរង្វាន់ Champions League តែប៉ុន្មានថ្ងៃបន្ទាប់ពីខកខានទទួលបានពានរង្វាន់អឺរ៉ុបមួយនេះ។
គួរជម្រាបថា ក្រុមរបស់លោក Pep Guardiola បានបញ្ចប់រដូវកាល ក្នុងនាមជាម្ចាស់ជើងឯកក្របខ័ណ្ឌ Premier League និងអ្នកឈ្នះពានរង្វាន់ Carabao Cup ហើយក៏បានឈានដល់វគ្គផ្តាច់ព្រ័ត្រនៃក្របខ័ណ្ឌ Champions League ជាលើកដំបូងក្នុងប្រវត្តិសាស្ត្ររបស់ក្លិប។
ទោះយ៉ាងណា រដូវកាលនេះបានបញ្ចប់ដោយការខកចិត្ត ជាមួយនឹងការចាញ់ក្រុមតោខៀវ Chelsea ១-០ ហើយលោក Al Mubarak មានប្រសាសន៍ថា “ពេលនេះជាពេលវេលាមួយ ដែលបង្ហាញថាពួកយើងអាចឈានដល់កម្រិតកពូលហើយ”៕
