ក្លិបអ្នកមានបារាំង Paris Saint-Germain បដិសេធមិនឲ្យអ្នកចាត់ការទូទៅ Mauricio Pochettino ចាកចេញពីក្លិប ដើម្បីបានទៅដឹកនាំក្លិបចាស់ Tottenham Hotspur ឡើយ បើទោះបីជាក្លិបអង់គ្លេសកំពុងទាក់ទងយកទៅវិញក៏ដោយ។
គ្រូបង្វឹកសញ្ជាតិអាសង់ទីនវ័យ ៤៩ឆ្នាំ Pochettino ធ្លាប់បានចំណាយពេល ៥ឆ្នាំដឹកនាំ Spurs ដោយមិនបានឈ្នះពានណាមួយឡើយ ក្រៅពីជួយក្លិបនៅភាគខាងជើងទីក្រុង London មួយនេះរងជើងឯកពានធំ UEFA Champions League បានម្តង កាលឆ្នាំ២០១៩ មុនពេលលាឈប់នៅដើមរដូវកាលបន្ទាប់។
សូមជម្រាបថា Pochettino ត្រូវបានតែងតាំងឲ្យដឹកនាំក្លិបអ្នកមានបារាំង PSG នៅក្រោយពេលបញ្ចប់តំណែងលោក Thomas Tuchel តែប៉ុន្មានថ្ងៃប៉ុណ្ណោះនាថ្ងៃទី០២ ខែមករា ឆ្នាំ២០២១៕
