សេចក្តីរាយការណ៍មួយបានឱ្យដឹងថា កីឡាករ Cristiano Ronaldo បានប្រាប់ទៅមិត្តរួមក្រុមនៅក្នុងបន្ទប់ផ្លាស់សម្លៀកបំពាក់ថាខ្លួនចង់ចាកចេញពី Juventus នារដូវក្តៅនេះ។
គួររម្លឹកថា អតីតខ្សែប្រយុទ្ធឆ្នើមរបស់ក្រុម Real Madrid រូបនេះ បានផ្លាស់មកចូលរួមជាមួយក្លិបដែលមានមូលដ្ឋាននៅក្នុងទីក្រុង Turin កាលពីឆ្នាំ ២០១៨ កន្លងទៅ ប៉ុន្តែនៅក្នុងរដូវកាលនេះខ្សែប្រយុទ្ធសញ្ជាតិព័រទុយហ្កាល់ គឺមិនអាចជួយឱ្យក្រុមរបស់ខ្លួនការពារតំណែងជើងឯកលីគ Serie A បានឡើយ។
គួរបញ្ជាក់ថា ក្រោយរួមរស់នៅក្នុងទឹកដី Turin រយៈពេល ៣ ឆ្នាំ Ronaldo រកគ្រាប់បាល់សរុបបានចំនួន ១០១ គ្រាប់ និងបញ្ជូនបាល់ឱ្យមិត្តរួមក្រុមសម្រេចទី បានចំនួន ២២ លើកផងដែរ៕
